Renosterdag 2027

Skop die nuwe seisoen op ’n hoë noot af saam met familie en vriende, en leer meer oor renosters en die bewaring van hierdie diere. Tersia en haar span van Rhino Connect doen wonderlike werk, en die plaas het tans swart en wit renosters.

Dit is nie ’n toer nie, maar ’n natuurbewarings- en opvoedkundige program saam met Toerbroers en ons vennoot, Rhino Connect NPO. Vir die renosters se veiligheid word die bestemming nie bekend gemaak nie: die plaas is binne sowat ’n uur en ’n half van Pretoria, en ons verskaf die vervoer (geen selfry nie). Ons vertel julle ook meer oor die Toerbroers Kampus en hoe jy ’n geakkrediteerde kwalifikasie kan kry om by sulke sentrums te werk. Net 20 gaste per dag.